Todo o bo remata

Vai rematar,

Vai rematar,

O campamento vai rematar,

Ides chorar!

Ides chorar!

Porque o campamento vai rematar.

O noso campamento vai chegando ao seu fin, despois de alegrías, tristezas, conflictos, caídas, berros, probas, e moito bo humor, é a hora de ir pensando en marchar, porque temos que marchar... Deixar atrás estas vacacións nas que aprendimos a convivir, das que disfrutamos dunha boa compañía e na que coñecimos a moita xente que xa podemos nomear coma amigos/as. Amigos/as que aínda que non os volvamos a ver perdurarán na memoria polos grandes momentos que vivimos xuntos no Campamento da Baña 2015.

Onte acompañounos un día de praia increíble, que non dubidamos en aproveitar, pola tarde fixemos unhas maxestuosas figuras de area.

Pola noite veu cear con nós o Concelleiro de Deportes da Baña Manuel Tourís, que comprobou a calidade da comida e entendeu porqué a maioría de nós estábamos gañando quilos.

Para rematar o día decidimos disfrutar dunha fermosa posta de sol na praia, e facer alí o noso Asalto ao Castelo, onde tiveron que recuperar o mapa do tesouro que a Pirata Malapata nos roubou. 

Xa temos un mapa... ónde andará o tesouro...